انا لسه عايش بس مسيرى فيوم هموت
ايام تمر وهبقى ماضى
واللى فاكرنى مسيروا ينسى وهبقى عادى
مين هيزورنى لما اموت
مين هيجى للتبوت
انا لسه عايش بس مسيرى فيوم هموت
كل واحد هيعيش حياتو
ومش مهم مين اللى ماتوا
مش فبالوا يوم يزور
قلب حبوا فالقبور
انا لسه عايش بس مسيرى فيوم هموت
ايوة هبقى قصه سابقه
واكيد هتقولوا الحى ابقى
واللى مات خلاص ده راح
والدوام لله وبس
انا لسه عايش بس مسيرى فيوم هموت
كل يوم هتجروا عالتراب
ومش فبالكوا مين اللى غاب
مش بتفكروا هتعملوا ايه من بعده
مفكرتوش فى شئ بسيط يساعدوا
انا لسه عايش بس مسيرى فيوم هموت
هتبكوا فيوم عليا
بدمعه رايحه ودمعه جايا
والايام هتعدى
وهتنسوا وتعيشوا بعدى
انا لسه عايش بس مسيرى فيوم هموت